Målsetjinga med forskinga

Målsetjinga med forskinga er å få betre forståing for korleis deltaking i eit skuleopplegg som kombinerer kunst og skulefag, og som involverer samtlege elevar, kan styrke utviklinga av eksekutive funksjonar (EF), læring og meistring hjå barn mellom 6 og 8 år.

Hypotesen

Hypotesen er at born som deltek i «Kunsten å lære» (KÅL) vil styrke sine EF meir enn born som ikkje deltek i intervensjonen (Kunsten å lære), og at born med EF-utfordringar vil få betre utbytte på intervensjonen enn barn utan slike utfordringar.

Høgskolen i Innlandet (HINN), Institutt for psykologi, har ansvar for forskinga på prosjektet. Dei skal forske på effekten Kunsten å lære har for utvikling av eksekutiv funksjon hjå den enkelte eleven som deltek. Resultata vil verta publiserte i etterkant av prosjektet.

Resultata ein får av forskinga i Kunsten å lære kan bidra til:  

• betre forståing for kva som skjer med barn som er aktivt skapande i kunstaktivitet 
• gje innspel til innovative, tverrfaglege og kreative læringsmetodar i skulen 
• synleggjera verdien kunst har for utvikling av EF, for trivsel, meistring, inkludering og læring 
• gje betre forståing for utvikling av EF og behandling av lite utvikla EF 
• auke verdien av kunstnarane si rolle i skulen 
• auke interessa for kunst og bidra til at fleire barn deltek i kunst- og kulturaktivitet 

Målsetjinga for skuleutvikling

Målsetjinga for skuleutvikling i prosjektet er å utvikle innovative, tverrfaglege og kreative læringsformer til skulekonteksten, innanfor rammene av Fagfornyinga.

Lærarane som tek del i Kunsten å lære skal få utvida si didaktiske kompetanse gjennom å lære og prøve ut ei rekkje nye praktiske metoder i klasserommet, saman med klassen sin og ein kunstnar.

Vil auke tilgangen til kunst i skulen

Kunsten å lære vil gje eit solid løft i tilgangen til kunstfaglege ressursar for skular, Det er lagt mykje arbeid i utviklinga av godt fungerande, praktisk undervisningsopplegg som også kan brukast etter at prosjektet er avslutta.

15 skuler er med i to år

Overordna vil personalet ved 9 skular i Noreg og Ungarn arbeide med Kunsten å lære over to år.

Ytterlegare 6 skular vil ta del som kontrollskuler, og desse skulane vil få del i Kunsten å lære-materialet i etterkant av prosjektet.

Sjå kva skular og kunstnarar som er med

Kunstfagleg målsetjing

Kunstfagleg er det i prosjektet ei målsetjing å synleggjera verdien kunst har for utvikling av EF, læring, trivsel, meistring og inkludering.

Det er også ei målsetjing å synleggjera kunstnarar sin ekspertise, og auke anerkjenninga av kunstnarane.

Vi skal vise døme på kva rolle kunstnarar og kva effekt kunst kan ha i skulen, og vise korleis kunstfagleg metodikk står støtt også utanfor kunsten sine eigne arenaer. 

Effekten av kunst og kultur i skulen

Det er aukande konsensus internasjonalt om at kunst og kreativitet bør få større plass i skulen.

Eigenskapane born utviklar gjennom kunst og kultur er essensielle for å fungere i dagens verd, men innsikt i korleis desse eigenskapane vert utvikla, er mangelvare. Kunsten å lære svarer til dette behovet.

Med prosjektet viser vi korleis kunst og kultur «som del av livet i skulen» kan sjå ut og kva effekt det kan ha. Kombinasjonen av eit sterkt kunstfagleg program og eit sjølvstendig forskingsprosjekt som måler effekten på EF, sosial inkludering, trivsel, meistring og læring, kan vera banebrytande.

Resultata frå Kunsten å lære vil vera av nasjonal og internasjonal interesse og kan auke kunnskapen og interessa for kunst generelt i samfunnet.  

Internasjonalt prosjekt

Kunsten å lære er eit internasjonalt prosjekt, delvis finansiert med EU-midlar. Prosjektet er eit samarbeid mellom Noreg, England og Ungarn.

Creativity, Culture and Education (CCE) frå England og T-Tudok frå Ungarn formar saman med Innlandet fylkeskommune den internasjonale prosjektgruppa.

Creativity, Culture and Education (CCE) frå England skal saman med Innlandet fylkeskommune utvikle undervisningsopplegget Kunsten å lære er basert på, i tillegg til å bistå med kurs og rettleiing undervegs i prosjektet.

Piloten Art of learning

CCE stod bak den fyrste Kunsten å lære-piloten (Art of Learning) i Ayrshire, Skottland i 2017.

Les meir om Kunsten å lære-piloten Art of Learning  

Parallelt i Ungarn

T-Tudok frå Ungarn vil gjennomføre Kunsten å lære på fleire skular i Ungarn, parallelt med gjennomføringa i Innlandet, Noreg. Dei vil også ta del i forskinga på prosjektet saman med Høgskulen i Innlandet (INN).

Les meir om dei internasjonale partnarane våre

Art of Learning web page in Hungarian

Forskingspilot

Våren 2019 vart forskingspiloten Kunsten å lære (KÅL) avslutta med rapporten «Kan kunst være nøkkel for utvikling av eksekutive funksjoner hos barn?».

Les rapporten om forskingspiloten Kunsten å lære 2018–19

Dette var og er framleis eitt av få døme på studier med denne innfallsvinkelen i Noreg. («Ung kultur», Telemarksforskning 2019).

Samarbeid

Kunsten å lære-piloten vart gjennomført av Oppland fylkeskommune i samarbeid med opphavsorganisasjonen Creativity, Culture and Education (CCE), Høgskolen i Innlandet (INN), Nasjonalt senter for kunst og kultur i opplæringen og Kulturtanken.

Piloten var eit 12 veker langt program med kunst- og kulturaktivitet i tre skular i Oppland.

Konklusjon

Rapporten konkluderte i korte trekk med at det var enkelte positive og statistisk signifikante funn, ein indikasjon på at kunst i skulen har positiv effekt på utvikling av eksekutiv funksjonar. 

Men ettersom det var ein forskingspilot med relativt lite utval og avgrensa tidsrammer, konkluderte ein med at det vil måtte gjennomførast ei breiare undersøkjing for å få tydelegare svar.

Kunsten å lære i media

• Kulturtanken – Forsker på betydningen av kunst og kultur for hjernens utvikling
• Norsk kulturforum – Betydningen av kunst og kultur for hjernens utvikling
• Kommunal rapport – Disse barna kan endre skolen
• Osloregionens Europakontor – Innlandets Erasmus+-prosjekt Kunsten å lære

Om Kunsten å lære-piloten

• Rapporten om forskingspiloten Kunsten å lære 2018–19
• Marita Eggen Klaussen: «Kunsten å lære»: Kan trening av eksekutive funksjoner ved hjelp av kunstaktiviteter øke elevenes sosiale kompetanse?
• Kulturtanken – Kan kunst være nøkkel for utvikling av eksekutive funksjoner hos barn?
• Videopresentasjon av Kunsten å lære frå fredagsseminar ved Kulturtanken

In English

• Per Normann Andersen m.fl: “Art of Learning – An Art-Based Intervention Aimed at Improving Children’s Executive Functions”
• About Art of learning pilot in Ayrshire, Skottland (2017–18)
• Adele Diamond Ted Talk om Executive Functions
• CCE nettside

In Hungarian

• T-Tudok
• A Tanulás Művészete
• Lehet-e a tanulást művészi szinten űzni?
• Kreatív Partnerség Magyarország