Desse er med

Kunsten å lære vert leia av Innlandet fylkeskommune, som er heilt avhengig av gode samarbeidspartnarar for å lukkast.

Samarbeidspartnarane våre

Her er ei oversikt over prosjektet sine mange og gode samarbeidspartnarar:

Kunstnarane

Kunstnarane er nøkkelpartnarar i dette prosjektet med deira evner, kunnskap og måtar å jobbe på som grunnlag for heile Kunsten å lære. Kunstnarane jobbar skulder ved skulder med lærarane i klasseromma på Kunsten å lære-skulane.

Her kan du verta betre kjend med kunstnarane våre:

Malin Kathrine Vik

Malin Kathrine VikMalin kjem frå Alta i Finnmark via Oslo til jobben i Kunsten å lære.

Malin har teaterutdanninga si frå Oslo Met, og har bygd på til no å vera lektor og drama- og teaterpedagog. Ho har erfaring frå leiing av fleire barne- og ungdomsteatergrupper, og skreiv master om drama som læringsform i Fagfornyinga.

Ho brenn for at fleire barn og unge skal få bruke både kroppen og toppen i læreprosessen, og at praktiske og estetiske læringsformar som i Kunsten å lære, er vegen å gå for å oppnå dette.

Malin elskar strikking, teater, poesi, litteratur, kunst, kaffe- og teselskap, å syngje høgt i dusjen, italiensk og indisk mat, samt norsk natur.

Malin skal jobbe på Søre Ål skole i Lillehammer med 1. og 2. trinn.

Adrian Taxth Skrattegård

Adrian Taxth SkrattegårdAdrian kjem frå den vesle sørlandsbyen Grimstad til jobben i Kunsten å lære.

Han er utdanna faglærar i teater frå Universitetet i Agder, og har fordjupa seg i tverrfagleg kunstnarisk arbeid. Adrian har leia fleire barneteatergrupper, og har erfaring som teaterpedagog i barnehage.

Adrian elskar å leike og meiner vi alle bør leike meir i kvardagen. Han elskar å gå i fjellet, og då gjerne med ei fiskestang på lur.

Adrian skal jobbe på Aurvoll skole i Øyer og Jørstadmoen skole i Lillehammer, med 1. og 2. trinn.

Shelli Lake

Shelli LakeShelli er fødd og oppvokse i California i USA, men for 15 år sidan vart ho forelska i Noreg, og flyttar no frå Oslo til jobben i Kunsten å lære.

Ho har ein master i dramapedagogikk, og har jobba med teater, drama og inkluderingsarbeid i både USA, Frankrike og Noreg, no sist på Deichmanske bibliotek i Oslo.

Shelli gler seg til å stimulere nysgjerrigheit og sjølvtillit, og skape rom for refleksjon, læring, kreativitet hjå borna. Shelli er i tillegg stolt hundemamma til ein glad hund som heiter Persille (Parsley).

Shelli skal jobbe på Fåset og Tylldalen skole i Tynset med 1.–3. trinn, og på Alvdal skole i Alvdal med 2. trinn.

Linda Victoria Røise

Linda Victoria RøiseLinda Victoria kjem frå Gjøvik. Ho budde i Oslo ein del år for å studere, før ho flytta attende til heimbyen.

Linda har gått drama- og teaterkommunikasjon ved Høgskolen i Oslo, og vidareutdanna seg til å bli teaterpedagog ved Oslo Met. Ho har også ein fagskuleutdanning ved Norsk skuespillerinstitutt.

Linda har jobba med born og ungdom på kulturskule og i ulike prosjekt, samt jobba som lærar på ein barneskule.

Ho meinar det er viktig å skape trygge og robuste born, og at i eit prosjekt som Kunsten å lære kan dei bli endå betre kjent med seg sjølv, reflektere rundt sine handlingar, og vonleg bli tryggare i seg sjølv.

Ellers er yndlingsprogrammet til Linda «Jakten på kjærligheten», og ho elskar å kose på det krøllete håret til dottera si.

Elise Bakke

Elise BakkeElise kjem fra Vågå i Gudbrandsdalen, men bur og jobbar i Oslo. Ho er utdanna frå Norges Dansehøgskule, der ho tok ein bachelor i dans med pedagogikk.

Ho tek no ein mastergrad i barnekultur og kunstpedagogikk ved Dronning Mauds Minne Høgskule. Der skriv ho om korleis ein kan tilrettelegge danseforestillingar for barnehagebarn med spesielle behov.

Elise brenn for at alle barn og unge skal få oppleve kunstmøter, uavhengig av geografisk tilknytning og økonomiske rammer. Ho fekk sjølv sine første møter med kunsten gjennom Den kulturelle skulesekken og jobbar derfor med oppsøkande dansekunst. På den måten når dansen ut til flest mogleg barn og unge.

Elise meinar at kunst og kultur burde vere ein del av kvardagen til alle barn, og at eit prosjekt som Kunsten å lære kan være med på å verkeleggjere denne draumen.

Elise elskar grønne planter, duftpinner og sjokolade, og meiner at brevskriving er ein tapt kunst som vi burde ta attende.

Rose Aker

Rose AkerRose kjem frå Trysil og bur for tida i Oslo.

Ho er utdanna skodespelar frå Teater Nord (tidlegare Høgskulen i Nord-Trøndelag). Rose har brei erfaring frå teaterproduksjon og har teke del i forskingsprosjekt innanfor EU tidlegare.

Ho var ein av dei første kunstnarlege utøvarane i forprosjektet til Kunsten å lære, «Kreative partnerskap». Der jobba ho på mange ulike skular og med fleire årstrinn. I kunsten å lære har ho teke del i pilotprosjektet samt utvikling av innhald til undervisningsopplegget.

Rose elskar fantasi. Ho likar å skape unike univers og historier som borna kan ta eit djupdykk og forsvinne inn i, medan dei lærer. Når alle sansane vert tekne i bruk saman med læring, blir muskelminnet så aktivert at ein vil hugse kunnskapen så mykje lengre og klårare. Meir enn om ein berre hadde lest det i ei bok.

Sjølv elskar ho å reise til nye stader og oppleve andre kulturar tett på kroppen. Gjerne gjennom kunst og mat. Teater, bøker og film er også fine anledningar til å ta seg ein svipptur vekk frå leilegheita si.

Kunstnarar i innhaldsutviklinga

Forutan kunstnarane som arbeidar i skulene i, samarbeider vi også tett med kunstnarar i utviklinga av undervisningsopplegget til Kunsten å lære. Desse kunstnarane er primært kunstnarar som arbeidde med piloten i 2018.

Sjå meir om dette under Undervisningsopplegg

Skulane

Kunsten å lære-skulane er essensielle for gjennomføringa av prosjekta.

Det er på desse skulane at Kunsten å lære skjer!

Prosjektskular i NYKÅL 2023–2025

Prosjektskular i KÅL 2021–2024

I Ungarn:

Mikszáth Kálmán barneskule, Budapest

Kontrollskular i KÅL 2021–2024

I tillegg til prosjektskulane samarbeider vi med ei rekkje skuler som bidreg til prosjektet gjennom å vera kontrollskuler. Desse skulene vil få ei Kunsten å lære-startpakke etter at prosjektperioden er over.

Samarbeidspartnarar

Høgskolen i Innlandet (HINN)

www.inn.no

Institutt for psykologi har ansvar for forskinga på prosjektet. Dei skal forske på effekten Kunsten å lære har for utvikling av eksekutiv funksjon hjå den enkelte eleven som deltek.

Dei vil ta i bruk den kvantitative indikatoren Yellow/Red, og følger utviklinga både i Kunsten å lære-skulane og i skulane i kontrollgruppa. Resultata vil verte publiserte i etterkant av prosjektet.

HINN har vore ein aktiv samarbeidspartner i Kunsten å lære sidan gjennomføringa av Kunsten å lære-piloten i 2018

Creativity, Culture and Education (CCE)

www.creativitycultureeducation.org

CCE har saman med Innlandet fylkeskommune utvikla alt innhaldet i undervisningsopplegget til Kunsten å lære 2021–2024, i tillegg til å bistå med kurs og rettleiing undervegs i prosjekta.

CCE er ein liten internasjonal stiftelse med base i England. Kjernen i arbeidet deira er å dele erfaringar og ekspertise til utvikling av kreative program i skulen.

CCE er anerkjend for Kreative partnerskap, og dei stod bak den fyrste Kunsten å lære-piloten (Art of Learning) i Skottland i 2017.

CCE har samarbeidd tett med Innlandet fylkeskommune gjennom Kreative partnerskap (i Oppland frå 2013 til 2017), samt i Kunsten å lære-piloten (2018). CCE utgjer saman med T-Tudok og Innlandet fylkeskommune den internasjonale prosjektgruppa.

T-Tudok

www.t-tudok.hu

T-Tudok var ansvarleg for å gjennomføre Kunsten å lære i Ungarn, parallelt med gjennomføringa i Innlandet.

T-Tudok er eit ungarsk forskningsinstitutt som sidan 2013 har gjennomført Kreative partnerskap i sin region Pech.

T-Tudok har samarbeidd med CCE og Innlandet fylkeskommune (Oppland) tidlegare, og relasjonen er fornya til dette prosjektet.

T-Tudok har saman med CCE og Innlandet fylkeskommune forma den internasjonale prosjektgruppa til Kunsten å lære 2021–2024.

Kulturtanken

www.kulturtanken.no

Kulturtanken er ein statleg fagetat for kunst og kultur til barn og unge, som også ivaretek det nasjonale ansvaret for Den kulturelle skolesekken.

Kulturtanken er representert i styringsgruppa for prosjektet, og sit i referansegruppe for utviklinga av undervisningsopplegget til Kunsten å lære. Vidare bidreg dei til formidling av resultata frå prosjektet.

Centre for Collaborative Learning for Sustainable Development (CCL), UNESCO chair v. HINN

www.inn.no

CCL er eit forskings- og læringssenter ved Høgskolen i Innlandet.

Dei er tildelt UNESCO Chair for utdanning for bærekraftig levesett, og jobber for å bidra til prosjekt nasjonalt og internasjonalt knytta til utdanning for berekraftig utvikling.

CCL bidreg med eit holistisk læreplanperspektiv inn i referansegruppa som jobbar med styrking av undervisningsopplegget.

Nasjonalt senter for kunst og kultur i utdanningen (KKS), Nord universitet

www.kunstkultursenteret.no

KKS er ein nasjonal aktør som skal bidra til økt kvalitet i kunst- og kulturfaga i barnehagen og grunnopplæringa.

I Kunsten å lære bidreg KKS med publisering og formidling av resultata av prosjektet i etterkant. Samarbeidet med KKS vart etablert under Kunsten å lære-piloten (2018).

Centro de Desarrollo denTecnologias de Inclusion (CEDETI), Pontifical Catholic University i Chile

CEDETI bidreg til forskinga gjennom utviklinga av Yellow/Red, ein nettbrett-test av eksekutiv funksjon for barn.

Skulesjefane i Lillehammer, Øyer, Tynset/Alvdal

Prosjektet har samarbeidd med skulesjef-nivået i prosjektkommunene. Ansatte på dette nivået har bidrege inn i referansegruppe for utvikling av undervisningsopplegga.

Gruppa er representert i styringsgruppa for prosjektet gjennom skulesjefen i Lillehammer.

ADHD Norge

www.adhdnorge.no

ADHD Norge er ein frivillig organisasjon for menneske med ADHD.

ADHD Norge vil delta i referansegruppa, i drøfting av resultata i forskinga, samt med spredning av resultata frå forskinga.

Teater i Fjellregionen

Teater i fjellregionen på Facebook

Teater i Fjellregionen er eit interkommunalt samarbeid mellom Tynset, Tolga, Os, Rendalen, Folldal og Alvdal. Teateret som har som oppgåve å vera ein pådrivar og ein ressurs for ulike teaterprosjekt i regionen.

Teater i Fjellregionen samarbeider med Kunsten å lære ved å tilby kunstnaren som skal jobbe i Fjellregionen supplerende arbeid, noko som til saman gav ei fulltidsstilling i heile prosjektperioden.

Meir informasjon

Sist endret 17.09.2024 11.02