Høgskolen i Innlandet (HINN), Institutt for psykologi, har ansvar for forskinga i prosjektet. HINN forskar på effekten Kunsten å lære har for utvikling av eksekutive funksjonar hos elevane som deltok.

Resultata vert offentlege i slutten av 2024.

Målsetting med forskinga

Målsetting med forskinga er å få betre forståing for korleis kunstbasert læringsaktivitet kan styrke utviklinga av eksekutive funksjonar (EF), læring, motivasjon og meistring hos barn mellom seks og åtte år.

Hypotese

Hypotesen var at barna som deltok i «Kunsten å lære» (KÅL) ville styrke sine eksekutive funksjonar meir enn barn som ikkje deltok, og at barn med eksekutive funksjons-utfordringar ville få betre utbytte av deltakinga enn barn utan slike utfordringar.

Måling av eksekutive funksjonar

Eksekutive funksjonar vart målt fire gonger:

• før oppstart (baseline)
• to gonger undervegs (etter 1 år og etter 2 år)
• eitt år etter at Kunsten å lære-aktivitetane var avslutta (mai 2024)

For å vurdere eksekutive funksjonar har elevane vorte testa gjennom ein spelbasert test kalla Yellow-Red, som vart gjennomført av elevane på nettbrett, under leiing av ein testassistent. 

I tillegg vart det utført intervju med kunstnarar, lærarar, foreldre, skuleleiarar og elevar.

Resultata frå forskinga i Kunsten å lære kan bidra til:  

• betre forståing for kva som skjer med barn som er aktivt skapande i kunstaktivitet  
• gi innspel til innovative, tverrfaglege og kreative læringsmetodar i skulen  
• synleggjere verdien kunst har for utvikling av eksekutive funksjonar, for trivsel, meistring, inkludering og læring  
• gi betre forståing for utvikling av eksekutuve funksjonar og behandling av lite utvikla eksekutuve funksjonar  
• auke verdien av kunstnarane si rolle i skulen  
• auke interessa for kunst og bidra til at fleire barn deltek i kunst- og kulturaktivitet

Les meir om forskingsresultata

Kunsten å lære har utvikla ein innovativ, tverrfagleg og kreativ form for læring og undervisning i skulen. 

Korleis dei eksekutive funksjonane påverkar hjernen

Denne læringa bygger på nevropsykologisk forståing av hjernen, spesifikt korleis dei eksekutive funksjonane påverkar læring, er omsett til læringsteori og metodikk., innanfor rammene av Fagfornyinga. 

Du kan lese meir om læringsteori og metodikk her

Lærarane som har teke/tek del i Kunsten å lære får utvida sin pedagogiske og didaktiske kompetanse.

Lærarane får gjennomføre ei rekke praktiske og kunstbaserte undervisningsopplegg i klasserommet saman med klassen sin, med støtte frå ein kunstnar, i tillegg til kurs og rettleiing. 

Vil auke tilgangen til kunst i skulen

Kunsten å lære gir eit solid løft i den kunstfaglege kompetansen og ressursane for skulane. 

Det er lagt mykje arbeid i utviklinga av godt fungerande, praktisk og kunstbasert undervisningsopplegg som er gjort tilgjengeleg. 

Desse undervisningsopplegga finn du på t-tudok.hu

Kunstfagleg målsetting

Kunstfagleg er målsettinga å synleggjere verdien kunst har for utvikling av eksekutuve funksjonar, læring, trivsel, meistring og inkludering. Det er òg ei målsetting å synleggjere kunstnarar sin ekspertise, og auke anerkjenninga av kunstnarar og kunstfag som nøkkelressursar inn i skulen.

Kunsten å lære viser kva rolle kunstnarar kan ha, og kva effekt kunst kan ha i skulen, og viser korleis kunstfagleg metodikk står støtt òg utanfor kunsten sine eigne arenaer.  

Effekten av kunst og kultur i skulen

Det er aukande semje internasjonalt om at kunst og kreativitet bør få større plass i skulen.

Eigenskapane barn utviklar gjennom kunst og kultur er avgjerande for å fungere i dagens samfunn, men innsikt i korleis desse eigenskapane vert utvikla,  er mangelvare.  Kunsten å lære svarer opp dette behovet.

Med prosjektet viser vi korleis kunst og kultur «som del av livet i skulen» kan sjå ut og kva effekt det kan ha. Kombinasjonen av eit sterkt kunstfagleg program og eit sjølvstendig forskingsprosjekt som måler effekten på eksekutive funksjonar, sosial inkludering, trivsel, meistring og læring,  kan vere banebrytande.

Nasjonal og internasjonal interesse

Resultata frå Kunsten å lære vil vere av nasjonal og internasjonal interesse og kan auke kunnskapen og  interessa for kunst generelt i samfunnet.